Para pechar o mes de maio temos dúas novas presentacións de libros en NUMAX: Tra(n)shumancias, de Luz Pichel, ten a súa quenda o xoves 28 ás 20h, e contaremos coa presenza da autora e a introdución de Olalla Cociña e Gonzalo Hermo. Un día despois, venres 29 ás 20h, teremos connosco a Xoan C. Rodríguez para achegarnos ao seu Sectores de fogo, acompañado da poeta Chus Pato e do ilustrador e deseñador do libro, Alejandro Caporale.

Ver máis

O vindeiro xoves 21 de maio ás 20:00 presentarase na libraría NUMAX Ruído de trens, o poemario de Eduard Velasco gañador do XXVII Premio Nacional de Poesía Xosemaría Pérez Parallé e editado recentemente por Espiral Maior.

Ver máis

O vindeiro sábado 16 de maio ás 12.30 temos unha cita cos máis cativos (e non tanto) co gallo da presentación do libro-disco Sira e o robot, ideado, escrito e musicado por Mark Wiersma e Miguel Mosqueira, ilustrado por Iván Sende e publicado recentemente pola Editorial Xerais. Contaremos coa presenza dos dous autores, que nos introduciran na concepción da obra e aproveitarán para interpretar en formato acústico varios dos temas incluídos no disco.

Ver máis

Este sábado 9 de maio ás 20:00 teremos connosco no Cinema NUMAX a Daria Esteva. Daria viaxa a NUMAX desde Barcelona para presentar a copia en DCP 2K da versión remontada por Pere Portabella en 2011 de Lejos de los árboles, dirixida entre 1966 e 1972 polo seu pai, Jacinto Esteva.

Ver máis

Este xoves 7 de maio ás 20:00, temos o privilexio de recibir a Ángel Santos (Marín, 1976) no Cinema NUMAX. Ángel e o seu equipo achéganse a NUMAX para a preestrea española do seu último filme, Las altas presiones, que se estrea este venres 8 de maio en salas de toda España.

Ver máis

O próximo mércores 29 ás 20h, Margarita Ledo, socia colaboradora de NUMAX, falará na nosa libraría da edición en libro-dvd do seu último filme de vén de saír na Editorial Galaxia. Estará acompañada por Víctor Freixanes e Pilar Cagiao.

Ver máis