A nosa programación de Repertorio do mes de outubro está consagrada a un dos directores que máis fixo avanzar a linguaxe do cinema en cada un dos filmes. O Foco Orson Welles inclúe dúas adaptacións de William Shakespeare ―Macbeth e Othello―, seguidas de dúas alfaias como Míster Arkadin e Fraude.
A Libraría NUMAX acollerá o xoves 5 de outubro ás 20:30h a presentación da primeira novela de Greta García, «Solo quería bailar», editada por Tránsito. A bailarina e coreógrafa estará acompañada pola escritora Berta Dávila. A entrada é libre ata completar aforo.
A Libraría NUMAX acollerá o venres 29 de setembro ás 20:30h a presentación do poemario «Estar con otro» de Carlos Catena, editado por Pre-Textos Poesia. O autor estará acompañado pola poeta Olalla Cociña. A entrada é libre ata completar aforo.
A Libraría NUMAX acollerá o xoves 28 de setembro ás 20:00h a presentación do poemario «Os mil e un días» de Carmen Villar Alonso, editado por Xerais. A autora estará acompañada polo director de Xerais, Fran Alonso; o profesor da UVigo Beni Salgado; a escritora Andrea Barreira e por Álex Monteagudo á guitarra. A entrada é libre ata completar aforo. Foto: Eduardo Navarro.
A escritora Yamila Transtenvot presenta o mércores 27 de setembro ás 20h30 na Libraría NUMAX o seu libro «Caminar sola» editado por Pre-Textos Poesía. A autora estará acompañada pola poeta e escritora Lara Dopazo Ruibal. A entrada é libre ata completar aforo.
