O ciclo de conversas «É un falar» chega ao seu fin. A Libraría NUMAX acollerá o próximo venres 4 de novembro ás 20:30h da tarde ás poetas Luz Pichel e Ángela Segovia. No encontro, que leva por título «Ablandar a lingua», ambas falarán sobre as formas non regradas da lingua que empregan para construír as súas voces poéticas e sobre o seu uso como forma de subversión lingüística. Esta actividade está apoiada pola Deputación da Coruña e conta coa colaboración do Instituto da Lingua Galega.

Ver máis

Na recta final de 2022 volve coller forza o noso ciclo Os ollos verdes que acolle as estreas máis arriscadas e anovadoras da tempada. O estudantado da USC anotado no ciclo poderá acadar 1 crédito ECTS e gozar dunha entrada reducida de 4€. A primeira cita será este luns 24 coa nova creación do ilustrador coruñés Alberto Vázquez: Unicorn Wars.

Ver máis

A libraría NUMAX acollerá o sábado 5 de novembro ás 19:00h a presentación do libro Los 100 mejores documentales del Rock do xornalista e crítico musical Xavier Valiño e editado por Efe Eme. Este evento forma parte do ciclo Blow Up. A música no cinema, unha das actividades paralelas do Outono Códax Festival 2022.

Ver máis

A libraría NUMAX acollerá o venres 7 de outubro ás 20:30h a charla performance sobre poesía sonora «Poetas sen palabras» que ofrecerá o artista e escritor Xelís de Toro. Este acto é a antesala para entrar na novela Etceteramente, que o autor publicará en novembro coa editorial Xerais.

Ver máis

A docente María Soliña Barreiro estará o xoves 6 de outubro ás 20:30h na Libraría NUMAX para presentar a monografía «La revuelta en la mirada: Las imágenes del tiempo en el cine de vanguardia europeo de los años veinte» editada por Prensas de la Universidad de Zaragoza. No acto a autora estará acompañada pola investigadora e cineasta Margarita Ledo. A entrada é libre ata completar aforo.

Ver máis

Un ano máis, e van oito, estamos moi felices de sermos unha das sedes do Festival Curtocircuíto, un dos encontros máis estimulantes do panorama galego. Neste 2022 en NUMAX acolleremos 6 sesións entre o 5 e 8 de outubro, nas que coñeceremos de preto as obras de Marta Valverde, Letícia Ramos e Andrew Norman Wilson.

Ver máis