VOSE
VOSE
Período de entreguerras. Porco é un cocho aviador que frustra todos os actos de piratería perpetrados polos piratas aéreos do Adriático. Ler máis
É a época da unificación de Italia arredor do Piamonte, cuxo artífice foi Cavour. A acción desenvólvese en Palermo e os protagonistas son don Fabrizio, Príncipe de Salina (Burt Lancaster), e a súa familia, cuxa vida se ve alterada tras a invasión de Sicilia polas tropas de Garibaldi (1860). Ler máis
Lily Trevino é unha moza insegura e solitaria que vén de ser abandonada por seu pai. Cando decide seguilo en Facebook atopa un perfil co mesmo nome que el. Así coñece a Bob Trevino, un home que perdeu a seu fillo e co que entabla unha estreita amizade que podería mudar a súa vida para sempre. Ler máis
Unha das máis acedas, enxeñosas e brillantes sátiras da alta sociedade xamais filmada. Un vagabungo é contratado por unha moza para servir na luxosa mansión da súa familia, situada na elegante quinta avenida neoyorkina. Ler máis
Un home (Sergi López) e o seu fillo (Bruno Núñez) chegan a unha rave perdida no medio das montañas do sur de Marrocos. Buscan a Mar, a súa filla e irmá, desaparecida hai meses nunha desas festas sen amencer. Reparten a súa foto unha e outra vez rodeados de música electrónica e un tipo de liberdade que descoñecen. Ler máis
Nunha cidade do norte de Francia, uns cantos adolescentes ven achegarse o exame de bacharelato cunha ansiedade atemperada pola indiferenza. Para eles é un ano de conflitos cos adultos e cos seus mestres, que ven o exame como un pasaporte ao traballo. Máis ben un pasaporte ao paro, pensan os desilusionados mozos. Ler máis
Masao é un neno de nove anos ao que lle toca pasar as vacacións de verán coa súa avoa mentres todos os seus amigos marcharon á praia. O aburrimento de Masao é tal que se lle ocorre a idea de buscar a súa nai, á que nunca viu. Ler máis
Ned Merril vive nunha zona residencial de clase alta das aforas de Connecticut. Un día, Ned decátase de que todo o val onde vive está cheo de piscinas privadas. Ante o abraio dos seus amigos, Ned decide percorrer o val de piscina en piscina até chegar á súa casa. Polo camiño, atopa a varias das mulleres que fixeron parte da súa vida. Ler máis
Unha muller gaña un concurso. O premio: catro días de vacacións nun hotel de Ostende, cidade balnearia fóra de tempada. A partir de alí ábrense dous camiños: por unha banda, o do lecer, pola outra a da intriga Ler máis
A causa dun accidente, Michele, xogador de waterpolo, perde a memoria. Durante un partido, uns descoñecidos empezan a presionalo co fin de que lembre o seu pasado. Cando o partido está a piques de rematar, Michele disponse a lanzar un penalti do que depende o empate para o seu equipo. Ler máis
Durante 1.200 anos, o Camiño de Santiago supuxo un reto físico e emocional para os peregrinos. Camiñar centos de kilómetros pode pasar factura pero ofrece unha recompensa sen comparación posible. O músico e cantante australiano Dan Mullins creou un musical ao longo do Camiño e convídanos a unha peregrinaxe virtual desde a butacada do cinema no que percorreremos sendeiros montañosos, viñedos e bosques centenarios. Ler máis
A historia céntrase en Sosuke, un rapaz de cinco anos, e a súa relación cunha princesa peixe que ansía converterse nun ser humano. Ler máis
Xaneiro de 2020. Un equipo de filmación reúnese preto de Wuhan, China, para reanudar a rodaxe dun filme interrompido dez anos antes. Vivirán os inesperados desafíos da pandemia da COVID-19 e os confinamentos. Ler máis
Kyuta é un neno solitario que vive en Tokio, e Kumatetsu é unha criatura sobre natural illada nun mundo fantástico. Un día, o neno cruza a fronteira ao outro mundo e entabla amizade con Kutmatetsu. Ler máis
Francia, verán de 2024. En pleno apoxeo dos Xogos Olímpicos, Blandine chega a París desde Normandía para ver as competicións de natación, reencontrarse coa súa media irmá Julie despois de dez anos sen verse e coñecer a súa pequena sobriña Alma. Afeita á tranquilidade, o ritmo frenético da cidade desoriéntaa. Ler máis
Nelly, unha muller burguesa de vida ordenada, coñece unha noite a Loulou, un mozo marxinal. Cando o seu marido a bota violentamente de casa, vai vivir con el. Axiña queda embarazada, pero Loulou non cambia a súa vida de inadaptado, dividida entre os amigos e os pequenos roubos nocturnos. Ler máis
Mahin, de 70 anos, vive soa en Teherán desde que morreu o seu marido e a súa filla se mudou a Europa. Desde a súa independencia, Mahin desafía as expectativas da súa contorna conservadora. Máis aínda cando inesperadamente coñece e empeza unha relación amorosa cun taxista chamado Faramarz. Ler máis
Harry está farto do seu traballo e Mónica non atura a súa familia. Un día deciden abandonalo todo e fuxir a bordo dunha pequena barca ás illas dun pequeno arquipélago, vivir intensamente o seu amor. Ler máis
Dúas familias —unha de clase media urbana e outra de produtores rurais en decadencia— entrecrúzanse no sopor de provincias dunha Salta caótica e inmutable, onde nada sucede pero todo está a piques de estoupar. Ler máis
O inspector Maugin vai á caza de traficantes de droga de pouca monta. Nunha redada policial, coñece a Noria, a noiva dun camelo, e namora dela. Ler máis
Roger Willoughby é un simpático e eficiente vendedor de apeiros de pesca duns grandes almacéns de San Francisco. Os seus clientes pensan que é un auténtico expero, xa que escribiu un manual sobre pesca con cana pero o certo é que non ten nin idea de pesca! Ler máis
Unha casamenteira de moitísimo éxito construíu un imperio facendo que parellas perfectas rematen xuntas. Porén, a súa vida dá un xiro inesperado cando se ve atrapada nun perigoso triángulo amoroso con dous clientes, que son irresistibles pero incompatibles. Ler máis
Julia (Carmen Maura), unha muller madura que traballa nunha axencia inmobiliara, encontra 300 millóns agochados nun piso. Restrea en copia restaurada do clásico de Álex de la Iglesia no seu 25 aniversario. Ler máis
Un seminarista mediocre, o abade Donissan, atormentado polo mal e polo fracaso da súa misión, autoinflíxese mortificacións e non logra conectar cos seus fregueses. Ata o día que coñece a moza Mouchette, que acaba de cometer un grave pecado. Ler máis
No máis alto dos Alpes suízos, Heidi vive feliz canda ao seu avó, gozando da natureza e a liberdade da montaña. Cando recibe un convite para pasar o verán na costa, a emoción da aventura ilusiónaa, pero todo muda ao atopar un lince ferido. Ler máis
Gérard ve medrar o seu fillo, o pequeno Antoine. Ten a sensación de que nunca quixo tanto a ninguén e ninguén o quixo tanto. Están Sophie, a súa exmuller, a súa amante… E a vida segue. Ler máis
Na costa dunha pequena cidade do Leste de Estados Unidos, un enorme tiburón branco ataca a varias persoas. Por temor aos nefastos efectos que este feito podería ter sobre o negocio turístico, o alcalde négase a pechar as praias e a difundir a noticia. Ler máis
Unha súbita perda xera un vínculo inesperado entre dous migrantes da comunidade chinesa de Queens. A pesar de viviren lonxe de casa e do duro traballo que os sustenta, ambos atravesan xuntos o dó coa esperanza de atopar a súa familia. Ler máis
Serie de curtametraxes documentais realizadas durante as viaxes de Maurice Pialat a Turquía en 1963. Ler máis
Marina (18), adoptada desde moi pequena, viaxa a Vigo para se encontrar por vez primeira coa familia de seu pai biolóxico. A súa chegada trae de volta un pasado xa soterrado. Ler máis
Tras estar internado no manicomio, Vincent Van Gogh instálase en Auvers-sur-Oise, en casa do doutor Gachet, un afeccionado á arte. Os últimos días do pintor están marcados polas súas conflitivas relacións co seu irmán Theo e pola súa inestable saúde mental. Ler máis
Os filmes máis recentes da carteleira, proxectados nas mellores condicións técnicas e sempre en versión orixinal subtitulada no único cinema do centro da cidade.
Reestrea en copias novas de filmes rodados en celuloide e dixitalizados en 2 e 4K, a partir do escaneo dos negativos orixinais. Volve a ver nunha sala os teus filmes preferidos e os clásicos da historia do cinema.
Os ollos verdes é o nome da sección do cinema NUMAX na que se estrean aqueles filmes que traballan por anovar e reformular as maneiras de ver e contar e que non atopan adoito un espazo nas carteleiras.
O escritor Amets Arzallus presenta Hermanito (Blackie Books) / Miñan (Rinoceronte Editora), libro escrito xunto con Ibrahima Balde, na Libraría NUMAX o venres 18 de xullo ás 19:00h. O evento está organizado pola Asociación Plataforma polo Emprego, no marco do Programa Compostela Convive, financiado pola UAMI - Concello de Santiago. A entrada é libre ata completar aforo.
O gran protagonista do verán de NUMAX vai ser Maurice Pialat, un dos outsiders clave do cinema post-Nouvelle Vague, de quen se cumpre neste 2025 o centenario do seu nacemento. O ciclo arranca este venres 4 de xullo coa estrea durante unha semana do extraordinario coming-of-age Aos nosos amores, ao que seguirán, en pases dobres en venres e sábado, as obras que completan a súa filmografía. Xa se poden reservar as entradas para todas as sesións do mes de xullo.
A Libraría NUMAX acolle «Debuxar a memoria: narrativa gráfica e investigación social», unha conversa con Ana Penyas, Premio Nacional de Cómic 2018, o xoves 10 de xullo ás 19:00h. A ilustradora dialogará cos espcialistas en antropoloxía Íñigo Sánchez-Fuarros e Cristina Sánchez-Carretero. Esta actividade está dentro do ciclo «Charlas con xeito» do Incipit-CSIC. A entrada é libre ata completar aforo.
