Queremos convidarvos a vir debuxar con nós! A Libraría NUMAX estará aberta do luns 4 ao sábado 9 de novembro para todas as persoas que queiran vir ilustrar a libraría e a súa vida diaria. O propio día 11, Día das Librarías, exporemos os traballos no noso escaparate. Para conmemorar este día tan especial faremos o 5% de desconto en todas as compras de libros tanto en tenda como na web.
A Libraría NUMAX acolle a presentación de Runrún (Galaxia) de Ana Varela o vindeiro xoves 7 de novembro ás 20h00. A autora estará acompañada da escritora Antía Otero. A entrada é libre ata completar aforo.
Por segundo ano consecutivo a Noite de Samaín chega á nosa pantalla con dúas suxestivas propostas que se alongarán máis aló da medianoite do xoves 31 de outubro: Andei cun zombie, de Jacques Tourneur, e O último late night, de Cameron e Colin Cairnes. Se asistes ao programa completo poderás gozar de ambas películas por un prezo reducido de 9€, que, no caso das abonadas, será de 7€. Oferta válida só para as entradas mercadas en billeteira.
A libraría NUMAX acolle a presentación de Centímetro a centímetro (Pepitas de calabaza) de Eduardo Romero o vindeiro xoves 31 de outubro ás 19h00. O autor estará acompañado pola xornalista Silvia López. A entrada é libre ata completar aforo.
A Libraría NUMAX acolle o sábado 26 de outubro ás 18h00 da tarde unha actividade para toda cativada a partir de 3 anos! O contacontos d'O gran libro dos nosos montes (Cumio), Premio Follas Novas ao Mellor Libro Ilustrado 2024, con Blanca Millán. A entrada é libre ata completar aforo.
Como cada inicio de curso retomamos o noso programa didáctico NUMAX na Escola, que conta cun catálogo amplo e renovado de filmes para o seu visionado en pantalla grande acompañado de materiais didácticos. Neste curso 2024/25 a proposta chega tamén á Libraría, cunha ampla oferta de servizos bibliográficos para o profesorado e centros de ensino.
