A Libraría NUMAX acollerá o próximo xoves 21 de setembro ás 20:00h da tarde a conversa entre as poetas Branca Trigo e Samuel Merino, e a lectura das súas últimas obras Con do lore e Con esta hoz, respectivamente. A entrada é libre ata completar aforo.
A compositora e artista Chefa Alonso presenta o próximo mércores 20 de setembro ás 19h00 na Libraría NUMAX a nova edición ampliada do seu libro «Improvisación libre. La composición en movimiento» editado por Cántico, dentro da colección La hora de la estrella. A autora estará acompañada pola poeta Marina Oural.
Cada mes de setembro retomamos con toda a ilusión o noso programa de proxeccións didácticas NUMAX na Escola cun catálogo amplo e renovado de filmes dirixidos aos diferentes niveis educativos, desde infantil e primaria até secundaria e bacharelato.
A terceira conversa da actividade «Veladas analóxicas» xuntará na Libraría NUMAX á escritora Lara Dopazo Ruibal e ao catedrático de medicina legal Ángel Carracedo nunha conversa titulada «Dentro e fóra dos marcos». Esta actividade, comisariada pola poeta Alicia Fernández, terá lugar o venres 15 de setembro ás 20:30 da tarde, e está subvencionada pola Deputación da Coruña. A entrada é libre ata completar aforo.
Un ano máis, chega á nosa pantalla un dos eventos máis relevantes do panorama cultural compostelán: o WOS Festival X Son Estrella Galicia. Nesta nova edición, o certame contará con dúas suxestivas propostas que se celebrarán no Cinema NUMAX o sábado 16 (Expedition Content) e o domingo 17 (CAN and Me). Xa se pode reservar butaca para ambas sesións!
