Aínda non sabes que podes abonarte ao Cinema NUMAX? Estás pensando en renovar? Presentámosche as estupendas vantaxes do novo abono. Con vir a 1 sesión ao mes ao longo dun ano xa che compensa!
Este sábado 23 ás 20:00 Fátima N. Delgado presenta o poemario Ninfopoética (editado por Urutau), acompañada da poeta Lorena Rei.
Tes entre 18 e 25 anos? Dominas o inglés? Gústache o cinema e compartir as túas impresións na rede? Se cumpres estas 3 condicións tes unha oportunidade única para ser xurado no Festival de Venecia co 28 Times Cinema, un programa que permite a 28 mozos e mozas de toda Europa acudir ao festival cos gastos pagados para ser xurado da sección Giornati degli Autori. Europa Cinemas, o LUX Prize e Giornati degli Autori veñen de designar, por segunda ocasión, a NUMAX como o cinema español encargado de participar na selección de candidaturas.
O luns 18 de marzo ás 13:15 a Libraría NUMAX acolle un encontro aberto ao público cos escritores Bernardo Atxaga e Zeno Bianu acompañados polo tradutor Mikkaël Bonnot.
Alédanos darvos conta do vindeiro encontro A cor das palabras, coa visita dunha das autoras máis suxestivas do cinema francés contemporáneo: Valérie Massadian. O encontro, organizado por NUMAX e o Concello de Santiago, terá lugar o domingo 31 de marzo ás 11:30. Arredor da visita da cineasta presentamos tamén o Foco Valérie Massadian, coa proxección das súas obras máis reputadas: Nana e Milla.
«A relación coa alteridade encarnada no tratamento dos seres animais e como esta constrúe a súa e a nosa subxectividade son algúns dos temas que trata Rebeca Baceiredo neste estudo que é Animais de estimação e bestas de companhia», segundo explica Teresa Crisanta Pilhado, codirectora de Através Editora, que acompañará á autora na presentación, xunto ao filósofo Brais Arribas, o vindeiro venres 15 de marzo ás 20:00.
