Co apoio da Área de Cultura da Deputación de A Coruña e comisariado por Performa (David Barro, Mónica Maneiro e Iñaki Martínez Antelo), a Libraría NUMAX celebra o sábado 22 de agosto a segunda xornada dos Discursos en acción, un ciclo de dous días de conferencias performativas que muda o Cinema NUMAX nun espazo onde ensaiar propostas entre o divulgativo, o artístico, o escénico ou o audiovisual. Interveñen Jacobo Bugarín, Misha Bies Golas e Xisela Franco (na foto).

Ver máis

No Día do Libro este xoves 23 de xullo -tres meses despois da data habitual, a causa da pandemia da Covid-19-, queremos celebrar unha actividade moi especial: o primeiro club de lectura da Libraría NUMAX. Farémolo acompañadas de Mariano Peyrou, músico, antropólogo e poeta, que nos falará de Tensión y sentido, unha obra que explora a significación e o sentido da poesía, botando man de anovadores canons de interpretación. Para asistir ao evento, que se celebrará ás 18 horas a través de Zoom, é preciso mercar ou reservar o libro na nosa tenda física ou on line. Lembrade que nesta data teredes a oportunidade de beneficiarvos do 10% de desconto pola compra de libros.

Ver máis

Na foto, a artista Alejandra Pombo

Co anovador formato de conferencias performativas, Discursos en acción converterá a sala de cinema nun espazo onde ensaiar propostas a medio camiño entre o divulgativo, o artístico, o escénico ou o audiovisual.

Ver máis

Ata o domingo 21 de xuño podedes atopar a Libraría NUMAX no posto número 6 da Feira do Libro de Santiago de Compostela, no paseo central da Alameda e beneficiarvos do 10% de desconto en todos os libros.

Ver máis

A partir deste venres 12 de xuño o Cinema NUMAX abre as súas portas. Para que a túa experiencia de volta ao cinema sexa cómoda e segura compartimos as indicacións que veñen a complementar as medidas de hixiene e seguridade implantadas desde hai semanas na Libraría NUMAX.

Ver máis

O proxector de NUMAX volve prenderse o venres 12 de xuño para dar luz ao mellor cinema independente e de autor en pantalla grande. Será un regreso gradual que, na primeira semana, contará cunha única sesión diaria. Xa podes reservar a túa entrada para as primeiras estreas que adiantamos a continuación.
[Foto: Tamara de la Fuente]

Ver máis