Presentámosvos un ano máis a programación de Nocturama, o ciclo de NUMAX para as noites de verán que, neste 2019, leva por título «Jim Jarmusch baixo a influencia», coa proxección das 6 primeiras obras de Jarmusch xunta os filmes que o inspiraron. Do 4 de xuño ao 29 de agosto de martes a xoves. Se vés ver 5 filmes o seguinte sáeche de balde!
O xoves 13 de xuño ás 20:00 preséntase na Libraría NUMAX a publicación La fiesta, lo raro y el espacio público. Participan no acto Fran Quiroga (Fiestas Raras, coordinador da publicación) e Antonio Giráldez, editor de Bartlebooth. Trátase dunha publicación que funciona como dispositivo do proxecto "Fiestas Raras", unha contribución coa que abrir novas fugas ao redor do raro, a festa e o espazo público.
O luns 10 de xuño ás 20:00 coñeceremos da man da súa autora A cidade cemento, de Ana Santiso. Xunta ela estarán a mestra Marga Alborés, Violeta Varela Santiso, lectora de 10 anos, e Carlos Lema, director de edicións da editorial Galaxia.
O próximo sábado 15 de xuño ás 12:30 estará canda nós, na Libraría NUMAX, o xornalista e técnico superior en Dietética Álvaro Vargas para presentar o seu libro Vegesanísimo (Planeta de libros).
O xoves 6 de xuño ás 20:00 a Libraría NUMAX acolle a presentación de Infamia, a última novela de Ledicia Costas, publicada por XERAIS.
Tras a presentación do ciclo da man do comisario, Ángel Calvo, e de Miguel Anxo Rodríguez, profesor de Historia da Arte na USC, nunha animosa conversa que podedes escoitar neste podcast, chega o primeiro dos Episodios de Creación Contemporánea, o vindeiro sábado 1 de xuño ás 12:30.
