Velaquí o segundo vídeo resumo dos Discursos en acción, un ciclo organizado pola Libraría NUMAX que buscaba o intercambio e a reflexión do público coa arte fóra dos contextos ou contedores artísticos tradicionais. Así foi a conferencia performativa do artista Suso Fandiño, «Os pintores da vida moderna. A cultura de masas nas orixes das vangardas». Co apoio da Área de Cultura da Deputación de A Coruña e comisariado por Performa, Discursos en acción converteu NUMAX nun espazo onde ensaiar propostas entre o divulgativo, o artístico, o escénico ou o audiovisual. O vídeo está tamén dispoñíbel na nosa canle de Youtube.

Ver máis

Debut é un ciclo outonal de conversas con autoras que debutaron en 2020 con primeiros libros ou primeiras incursións nun xénero literario. Comeza o xoves 29 de outubro ás 20h e para asistir é preciso reservar praza no correo [email protected], pois a capacidade da libraría é moi limitada, indicando a que encontro(s) se queres asistir. Os tres serán retransmitidos tamén a través da nosa canle de Instagram.
[FOTO: Álex de la Torre]

Ver máis

O encontro A cor das palabras organizado polo Concello de Santiago en colaboración co Cinema NUMAX regresa neste último trimestre do ano achegándonos ao mundo do foley, onde os galegos Miguel Barbosa e Diego Staub, á fronte da compañía Sound Troop, son referente a nivel internacional. Baixo o título Os efectos de son no cinema, Barbosa e Staub aproximarannos aos segredos dun oficio tan descoñecido como creativo e fundamental na creación cinematográfica. O encontro terá lugar o sábado 17 de outubro ás 11:30 no Cinema NUMAX.

Ver máis

Retomamos as presentacións na Libraría NUMAX con Ángel Suanzes e o seu poemario E se a memoria está na boca, editado por Urutau. Estará acompañado de Pilar García Rego e será este xoves 8 de outubro a partir das 20h. Para asistir é preciso inscribirse no correo [email protected]. A maiores, habilitamos a opción de recoller o teu exemplar asinado polo autor se así nolo indicas na “Información para a recollida do pedido” da nosa tenda en liña.

Ver máis

Ofrecémosvos o primeiro vídeo resumo dos Discursos en acción, un ciclo organizado pola Libraría NUMAX que buscaba o intercambio e a reflexión do público coa arte fóra dos contextos ou contedores artísticos tradicionais. Co apoio da Área de Cultura da Deputación de A Coruña e comisariado por Performa, Discursos en acción converteu NUMAX nun espazo onde ensaiar propostas entre o divulgativo, o artístico, o escénico ou o audiovisual.

Ver máis

Estamos moi felices de anunciar o regreso de Petís NUMAX, o noso programa de cinema infantil que, neste último trimestre do ano, terá lugar na primeira sesión da tarde de cada domingo. Volvemos este domingo 4 de outubro con A rebelión dos contos, con tarifa reducida para menores de 13 anos e entradas gratuítas coa tarxeta do ciclo. 

Ver máis