Manual de linternas preséntase como un catálogo de "incursións, excursións e reflexións científicas". Editado por Libros y Literatura, este mércores 2 de maio ás 20:00 na Libraría NUMAX contaremos coa responsábel da edición Marta Magariños, o xornalista Manuel Vicente e Manuel Collado e Borja Merino, dous dos autores do libro.
Estamos moi felices de anunciarvos a visita a NUMAX esta fin de semana de Nobuhiro Suwa, considerado pola prensa especializada como «o máis importante cineasta xaponés do século XXI» (Otros Cines). O cineasta nipón viaxa especialmente desde Xapón para presentar a estrea do seu novo filme, O león dorme esta noite, que chegará ás salas de todo o Estado da man de NUMAX Distribución.
Deixámosvos a listaxe dos libros máis vendidos durante a xornada do Día do Libro, o luns 23 de abril, na Libraría NUMAX.
A escritora Teresa Moure presenta o mércores 16 de maio ás 20:00 na Libraría NUMAX a súa última novela, Um elefante no armário, publicada por Através. No evento a autora estará acompañada pola política e profesora Carme Adán e pola codirectora da editorial, Teresa Pilhado.
A Libraría NUMAX non falta á súa cita anual co Día Internacional do Libro, que se celebra este luns 23 de abril, xornada na que abrirá desde as 10:00 ata as 22:00 en horario ininterrumpido.
A partir do martes 17 de abril a Libraría NUMAX custodiará sete proxectís Mauser atopados nun solar que fora campo de concentración franquista en Iria Flavia. Da man da pregunta Onde gardamos a memoria? conforman a peza que substitúe o fragmento de mosaico romano exposto durante un mes na vitrina da actividade Fóra dos museos. Trátase dun percorrido singular arredor de seis pezas únicas provintes de museos e coleccións privadas que convidan á reflexión sobre o papel destas institucións en Galicia.
