Acompañado por Chus Villar, o artista Rosendo Cid presenta na Libraría NUMAX este xoves ás 20:00 unha compilación de raiados de xornais que dan nova vida ás palabras impresas, froito do traballo dun blog diario.
O vindeiro martes 13 ás 19:15 contaremos coa presenza do artista Carlos Pazos (Premio Nacional de Artes Plásticas 2004), que presentará e participará no posterior coloquio de Art¡ss!mo, «Película de citas» ou «colaxe para ler» do universo das artes plásticas e literarias que realizou entre 2012 e 2015. Sesión organizada en colaboración coa Galería Trinta.
(IMAXE: Alberto Gamazo)
Un dos meirandes nomes do cinema de autor contemporáneo, o catalán Albert Serra, visita o Cinema NUMAX para impartir o sábado 3 de decembro ás 11:30 unha aula titulada Metodoloxía e cinema contemporáneo. Ese mesmo día presentará en sala a sesión das 19:40 do seu último filme, A morte de Luís XIV.
A escritora Inês Fonseca Santos e a ilustradora Marta Madureira visitan a Libraría NUMAX o mércores 30 de novembro ás 18:30 para presentar o seu último libro en común, Palavra perdida. A actividade inclúese no ciclo Caminhos da Literatura Portuguesa na Galiza, organizado polo Instituto Camões.
O xoves 1 de decembro ás 20:00 terá lugar todo un acontecemento literario na Libraría NUMAX coa presenza do escritor José María Pérez Álvarez para presentar a primeira edición completa de Nembrot, nomeado por Juan Goytisolo como un dos libros máis importantes do que vai de século. No acto participará tamén o artista e escritor Paco Yáñez.
Imaxe: Mani Moretón
