Un ano máis, o Cinema NUMAX e Curtocircuíto. Festival Internacional de Cine de Santiago de Compostela xuntan forzas para organizar actividades en común. A colaboración neste 2016 iníciase coa inclusión periódica na carteleira de NUMAX de distintas curtametraxes seleccionadas nas últimas edicións do festival. A primeira delas será Sangre de unicornio, do coruñés Alberto Vázquez, que se vai pasar antes de cada proxección de Bruja, más que bruja, de Fernando Fernán Gómez.

Ver máis

Felipe Lage Coro, director da produtora galega Zeitun Films, visita o Cinema NUMAX o domingo 26 de xuño ás 18:00 para presentar Pozoamargo, filme do mexicano Enrique Rivero coproducido pola entidade galega. Ao remate da sesión, Lage participará nun coloquio co público asistente.

(Foto: Tamara de la Fuente)

Ver máis

O poeta Jesús Castro Yáñez (Baltar, A Pastoriza, 1992) achegarase á Libraría NUMAX para presentar o seu poemario Os nomes e os himnos, editado por Espiral Maior, co que obtivo o Premio Nacional de Poesía Xosemaría Pérez Parallé en 2015. Na presentación Castro Yáñez estará acompañado pola poeta Olalla Cociña. O acto terá lugar o xoves 30 de xuño ás 20:00.

(Foto: Lara Dopazo)

Ver máis

Tras máis dun ano de intenso traballo en NUMAX decidimos coller dúas semanas de vacacións para repousar un pouco e volver o 15 de xullo con máis forza ca nunca. Deste xeito, tanto o Cinema como a Libraría NUMAX permanecerán pechados ao público do 1 ao 14 de xullo, ambos incluídos.

Ver máis

Mireia Sentís e José Luis Gallero, impulsores da Biblioteca Afro Americana Madrid (BAAM), visitan a Libraría NUMAX para presentar dous novos títulos da colección, Una historia de la conciencia (Angela Davis) e Una cata de poder (Elaine Brown), e expoñer ante o público asistente as liñas centrais do seu traballo. O acto terá lugar o venres 10 de xuño ás 20:00.

Ver máis

Un ano máis, a Libraría NUMAX estará presente no S8, Mostra de Cinema Periférico, cunha selección de novidades editoriais arredor do cinema máis arriscado e anovador. O posto de venda ao público da Libraría NUMAX emprazarase na sede central do S8, situada no edificio Afundación da Coruña (Cantón Grande, 21-23), do xoves 2 ao sábado 4 de xuño.

Ver máis