A cineasta portuguesa Rita Azevedo Gomes visitará o Cinema NUMAX o venres 20 de maio para presentar ás 19:45 o seu último filme: A vinganza dunha muller. Ao día seguinte, sábado 21 ás 11:30, Azevedo Gomes impartirá unha clase maxistral titulada «Cinema: luz feliz e maligna» que se inclúe na Aula «Os ollos verdes» de NUMAX. A vinganza dunha muller está a ser distribuída en España por NUMAX Distribución e ten confirmada a súa exhibición nun mínimo de 15 salas de todo o Estado.

Ver máis

A Libraría NUMAX continúa a participar das actividades paralelas da Feira do Libro que se celebra até o 8 de maio na Alameda de Santiago. Este sábado 7 de maio, ás 12:00 horas, terá lugar a presentación do libro de poemas de María do Cebreiro O deserto, cuxo deseño é obra do Laboratorio NUMAX. No acto intervirán, amais da propia autora, Antía Otero, da editorial Apiario, e Irma Amado, da Libraría NUMAX.

Ver máis

Desde o pasado mes de abril, o Cinema NUMAX, grazas a unha liña de programación converxente cos requisitos de diversidade, calidade e difusión do cinema europeo, fai parte da rede internacional de exhibición Europa Cinemas.

Ver máis

A artista e deseñadora gráfica Mónica Doldán expón na Libraría NUMAX a súa última creación, que leva por título Registros del pozo azul. A exposición será presentada pola propia artista o venres 29 de abril ás 20:00.

Ver máis

A terceira entrega da Aula «Os ollos verdes» contará cun visitante de excepción. Charles Burnett, director de culto do cinema independente e un dos autores afroamericanos máis importantes da historia, visita NUMAX o luns 18 de abril ás 17:30 para impartir unha clase maxistral titulada «Contra quen pelexo esta noite?». A xornada complétase coa presentación, ás 19:30, do libro Charles Burnett: un cineasta incómodo, editado por Play-Doc Books, e a estrea, ás 20:30, de Killer of Sheep, con presentación e coloquio a cargo de Charles Burnett.

Ver máis

O poeta Ismael Ramos (Mazaricos, 1994) visita este xoves 31 de marzo ás 20:15 a Libraría NUMAX, para presentar o seu libro de poemas Os fillos da fame, co que vén de gañar o premio Johán Carballeira. No acto intervirán, ademais do autor, a poeta e investigadora Alba Cid e o subdirector de Edicións Xerais Fran Alonso. (Foto: Alba Cid)

Ver máis