O escritor catalán de orixe galega Miqui Otero visita a Libraría NUMAX para presentar o seu último libro, Rayos, que tras vender máis de 4.000 exemplares terá unha nova reimpresión. O acto terá lugar o xoves 3 de novembro ás 20:00 e contará coa presenza do xornalista Juan Tallón.
Logo dun intenso mes de outubro, a Aula «Os ollos verdes» do mes de novembro arranca coa visita de Abbas Fahdel. O cineasta iraquí presentará o seu monumental díptico Homeland (Irak Year Zero), e impartirá unha aula titulada Iraq, entre documental e ficción que terá lugar o martes 1 de novembro ás 18:30. A actividade é gratuíta mais podedes reservar praza escribindo a [email protected].
Imaxe: Marco Castro
Por segundo ano consecutivo o Cinema NUMAX será unha das sedes do Curtocircuíto Festival Internacional de Cine de Santiago de Compostela. Retrospectivas, cartas brancas, aulas de cinema, emisións radiofónicas e mesmo un filme sorpresa son algunhas das actividades que albergará o Cinema NUMAX do 3 ao 10 de outubro.
As catro Aulas «Os ollos verdes» programadas en NUMAX para o mes de outubro permitirannos afondar no traballo creativo doutros tantos cineastas novos cuxas olladas comezan a sobresaír no panorama contemporáneo. As dúas primeiras Aulas do mes inclúense na programación de Curtocircuíto 2016 e todas elas conta co apoio da Concellaría de Acción Cultural do Concello de Santiago de Compostela e a Deputación da Coruña.
O vindeiro venres 16 de setembro ás 20:00 na Libraría NUMAX terá lugar a presentación do micropoemario Auga a través, de Dores Tembrás, nun acto que contará coa presenza da autora acompañada de Antía Otero, da editorial Apiario, e os directores d'Os días afogados, Luis Avilés e César Souto.
A escritora e actriz Eva Veiga, acompañada do Grupo Ouriol e o escritor Armando Requeixo, presenta o seu último libro Soño e vértice, co que vén de gañar o Premio de Poesía Concello de Carral na súa XVIII edición. O acto terá lugar o xoves 29 de setembro ás 20:00.
