O xoves 10 ás 20:00 na libraría NUMAX a poeta María do Cebreiro presenta A herba de namorar, antoloxía que condensa en cincuenta poemas a súa produción dende a aparición de o estadio do espello en 1998 ata o recente Soños. Arquivos. Cartas (2018). Estará acompañada polos escritores Ismael Ramos e Berta Dávila.
Arranca o curso de NUMAX, cun catálogo renovado de filmes que poñemos á disposición do profesorado para o desenvolvemento de proxeccións escolares na sala de cinema. O catálogo conta con propostas para todas as idades e cada sesión está acompañada de material didáctico específico e presentacións en sala.
O filósofo Brais Arribas presenta Vir a menos. Crítica da razón nihilista (Axóuxere Editora) o xoves 17 de outubro ás 20:00 na Libraría NUMAX, acompañado pola escritora Teresa Moure e Roberto Abuín, da editora.
Acompañado polo docente Eloy García e o socio de NUMAX Antonio Doñate, o escritor Luis Montero presentará o venres 27 de setembro ás 20:00 o ensaio Dejad que las máquinas vengan a mí (Enclave de libros, 2019).
Coa chegada do novo curso reanudamos as proxeccións do ciclo Os ollos verdes. O cinema inédito de NUMAX coa última creación da talentosa cineasta chilena Dominga Sotomayor: Tarde para morir joven. O estudantado da USC pode acadar 1 crédito ECTS coa asistencia ao ciclo grazas ao acordo coa Universidade de Santiago de Compostela.
Xunto coa peza audiovisual Aproximaciones abstractas, verticales. Segunda versión, que se proxectará a partir do xoves 5 de setembro no Cinema NUMAX previa á proxección do filme Ray & Liz, Diego Santomé ocupará a vitrina da Libraría cun elemento que fala do carácter histórico deste tipo de espazos, pero tamén da súa investigación como artista. Así, o cineasta Eloy Enciso cede para este Episodio #03 o seu galardón do Boccalino D’Oro, que estará dentro deste espazo en conflito que representa a vitrina na arte. A peza cerámica, producida industrialmente, afonda tamén na idea que da título ao episodio: Do caolín de Burela ao Rosa Tokio. O martes 10 de setembro ás 20:00 agardámosvos para a presentación do episodio, coa presenza do artista e do comisario do ciclo, Ángel Calvo.
