O venres 21 de decembro ás 20:00 terá lugar a presentación do poemario Actores vestidos de calle, de Luisa Castro, na Libraría NUMAX. Acompañará a autora o poeta Ismael Ramos.
O mércores 19 de decembro ás 20:00 Jorge Linheira presenta La cultura como reserva india. 36 años de políticas culturales en Galicia acompañado da escritora e profesora María do Cebreiro e de Xesús Ron, director artístico de Chévere.
O venres 14 de decembro ás 20:00 a Libraría NUMAX acolle a presentación de JUAN HIDALGO Y ZAJ. Arte Subversivo Durante el Franquismo [ETCÉTERA], coa presenza do seu autor, Julio Pérez Manzanares e os responsábeis de Discos Transgénero, que veñen de reeditar Rrose Selavy, de Juan Hidalgo. Posteriormente no Café Bar El Muelle, coorganizador deste evento, poderemos escoitar unha selección de temas de Discos Transgénero.
O xoves 14 de febreiro ás 20:00 Enrique Lista presenta o seu libro de fotografías Síntomas, acompañado por Gonzalo Veloso e Tono Mejuto na Libraría NUMAX.
Marleen MaLone, heterónimo de Iolanda Zúñiga, presenta na Libraría NUMAX Noites de safari (Xerais, 2018), o mércores 21 de novembro ás 20:00. Estará acompañada por Fran Alonso, director da editorial.
Este xoves, 15 de novembro, ás 20:00 a Libraría NUMAX acollerá a presentación de Revoltando á terra: reinventando o rural (Bolanda, 2018). Estarán connosco os coautores Edelmiro López Iglesias e Lourenzo Fernández Prieto.
