Neste mes de setembro a Libraría NUMAX realiza a súa segunda saída á rúa para levar á Biblioteca Ánxel Casal a presentación do libro La fuerza de los débiles (Akal, 2021) do escritor e activista Amador Fernández Savater. O acto será o venres 24 de setembro ás 19:30 no Salón de Actos. Xunto ao autor estará o profesor e investigador Germán Labrador. Colaboran a editorial Akal e o colectivo Emerxencia Cultural Ourense.

Ver máis

A Libraría NUMAX sae á rúa do 10 ao 14 de setembro participando na SELIC cun posto situado na rúa do Vilar. Ademais, somos as organizadoras da conversa entre o investigador Alberto Berzosa e o profesor da facultade de Belas Artes de Pontevedra Xosé Manuel Buxán arredor da escena cinematográfica underground na España dos anos 70 e 80. Será o luns 13 ás 17:30 na sede de Afundación.

Ver máis

Co regreso do curso lectivo retomamos o noso ciclo Os ollos verdes que, neste arranque de outono, inclúe a estrea de filmes inéditos en salas españolas e retrospectivas como a de Aki Kaurimäki. Recorda que se estudas na USC e te anotas ao ciclo gozarás de tarifa reducida e poderás obter 1 crédito ECTS.

Ver máis

A relación entre o antropocentrismo, o pacto social, o uso da tecnoloxía e o capitalismo son algúns dos temas que trata Rebeca Baceiredo no libro Como não ser, tranquilamente, human@s (Através Editora). A presentación terá lugar o vindeiro mércores 22 de setembro ás 19:30 na Libraría NUMAX, nela a autora estará acompañará do escritor e filósofo Brais Arribas. 

Ver máis

Nada nos pode facer máis felices que programar unha retrospectiva (case) completa á obra dun dos maiores xenios do cinema actual e padriño de NUMAX na nosa apertura: o gran Aki Kaurismäki. Un total de 14 filmes en sesións dobres (martes e sábados) que botou a andar o 7 de setembro e terá o seu último pase o martes 4 de xaneiro de 2022.

Ver máis

A quinta e última proposta do «Intemperiadas, correspondencias interartes con Xela Arias» acollerá o traballo da fotógrafa Verónica Vicente. A invervención, que leva por nome «[sen título]», terá lugar o próximo sábado 18 de setembro ás 13:30h. Esta actividade está comisariada por Charo Lopes e apoiada pola Deputación da Coruña.

Ver máis