A Libraría NUMAX sae á rúa do 13 ao 17 de xuño para participar na Semana do Libro de Compostela (SELIC) que nesta ocasión se celebrará na Praza do Toural. Ademais, somos as organizadoras do diálogo poético entre as poetas Luz Pichel e María Salgado, no que ambas autoras falarán sobre os seus últimos traballos, obras de forte contido persoal nas que exploran a identidade e os límites da linguaxe. Será o luns 13 de xuño ás 18:30 da tarde no Toural. 

Ver máis

A tradutora boirense María D. Armental presentará na Libraría NUMAX o libro Selected Poemas / Poemas escollidos do escritor Douglas Dunn. Trátase da primeira publicación traducida ao galego do autor escocés. Na presentación, que terá lugar este xoves 9 de xuño ás 20:30 da tarde, participará tamén o docente Ramón Bouzas. A entrada é libre ata completar aforo. 

Ver máis

O mes de xuño chega cargado de novidades no ciclo Os ollos verdes. O cinema inédito de NUMAX, con catro grandes citas que nos levarán de viaxe polo carnaval andaluz máis iconoclasta, as tradicións milenarias das Illas Canarias ou o talento emerxente en Galicia. Recorda que podes acadar 1 crédito ECTS da USC asistindo a un mínimo de 12 sesións do ciclo e realizando un traballo final.

Ver máis

Co gallo da estrea de Regreso a Reims, de Jean-Gabriel Périot, organizamos un encontro A cor das palabras co Concello de Santiago que reunirá o cineasta francés co profesor e investigador Pablo La Parra. Será o domingo 12 de xuño ás 11:30 baixo o título «(Re)montar a historia. Cinema, arquivo, política. Unha conversa con Jean-Gabriel Périot».

Ver máis

Seguimos a celebrar encontros con novos creadores do cinema galego contemporáneo. O xoves 2 de xuño ás 20:00 o xornalista e cineasta Carlos Prado Pampín ofrecerá presentación e coloquio de Devolvendo o golpe, documental sobre a historial real de superación do boxeador galego Aarón « The Thunder».

Ver máis

Arrinca a actividade «É un falar» coa conversa que xuntará na Libraría NUMAX á poeta Nuria Vil e ao poeta e axitador asturiano Pablo X. Suárez. Este primeiro acto titulase «Lingua aberta» e nel ambas falarán arredor da relación entre a súa poesía e a oralidade no presente. A cita será o sábado 11 de xuño ás 12:30h nunha actividade apoiada pola Deputación da Coruña.

Ver máis