Se tes entre 18 e 25 anos, dominas o inglés e che gusta compartir as túas opinións sobre cinema en redes sociais esta é a túa oportunidade! Envía a túa candidatura ao 27 Times Cinema e poderás viaxar cos gastos pagados ao Festival de Venecia para ser xurado da sección Giornati degli Autori, outorgando un premio específico da sección. Tes até o 24 de maio!
Seguimos a bo ritmo no encontro A cor das palabras que organizamos co Concello de Santiago. O domingo 15 de maio ás 11:30 contaremos coa presenza da directora galega Helena Girón e o canario Samuel M. Delgado que compartirán o proceso creativo de Eles transportan a morte.
A nosa cita dos martes co cinema de repertorio terá como protagonista, nos meses de maio e xuño, a un dos maiores creadores do cinema moderno, o iraniano Abbas Kiarostami. A primeira sesión será o martes 10 de maio cunha escolma de curtametraxes presentadas por Iván Cuevas, do Cineclube de Compostela.
A Libraría NUMAX participará na Feira do Libro de Santiago desde este domingo 1 ata o próximo 8 de maio. Poderedes atoparnos na caseta número 2, no paseo central da Alameda e beneficiarvos do 10% de desconto en todos os libros.
Acompañado polo editor Gonzalo E. Veloso, o artista Rosendo Cid estará o xoves 12 de maio ás 20:30 na Libraría NUMAX para presentar o seu último libro Poemario geométrico publicado por Estraperlo Editora.
A docente e escritora Teresa Moure presentará o próximo martes 10 de maio ás 20:30 o seu ensaio Linguística escreve-se com A, publicado por Através Editora. A autora estará acompañada pola xornalista e poeta Ana Romaní. A entrada é libre ata completar aforo.
