O vindeiro xoves 3 de xuño ás 19:30 presentaremos na Libraría NUMAX o ensaio Regla y tiempo real. Improvisación, interpretación y ontología de la obra musical (Athenaica, 2020) do músico e investigador Pablo Seoane. O autor estará acompañado por Xavier de Donato, profesor da Facultade de Filosofía da USC, e do poeta Estevo Creus.
Baixo o título «Imaxes que volven... ou por que restauramos filmes» terá lugar o encontro A cor das palabras con Carolina Cappa, arquivista audiovisual especializada en restauración fílmica. A actividade celebrarase o domingo 6 de xuño ás 11:30 horas, dentro do ciclo organizado polo Concello de Santiago en colaboración con NUMAX.
O novo foco de NUMAX percorre até o 5 de xuño, a obra de William A. Wellman, con 4 obras mestras que nos farán viaxar polos grandes xéneros do cinema clásico. Comezamos!
En vésperas da homenaxe a Xela Arias no Día das Letras Galegas, chega a segunda cita co ciclo «Intemperiadas, correspondencias interartes con Xela Arias», agora coa creadora téxtil Io Morales. A actividade, previa reserva, é o sábado 15 de maio ás 13:30h nunha actividade comisariada por Charo Lopes e apoiada pola Deputación da Coruña.
Tes entre 18 e 25 anos? Dominas o inglés? Gústache o cinema e compartir as túas impresións na rede? Se cumpres estas 3 condicións tes unha oportunidade única para ser xurado no Festival de Venecia co 27 Times Cinema, un programa que permite a 27 mozos e mozas de toda Europa acudir ao festival cos gastos pagados para ser xurado da sección Giornati degli Autori, outorgando un premio específico da sección.
O 23 de abril sumámonos á celebración do Día do Libro con interesantes novidades e vantaxes. Haberá sinatura de libros a cargo de Suso de Toro, Berta Dávila e Carlos Meixide e un desconto especial dun 10% durante todo o día nas túas compras da Libraría, en tenda ou a través da web.
