Dous dos últimos filmes do director estadounidenseTerrence Malick poderán gozarse en Compostela en pantalla grande. As agardadas Knight of Cups e Song to Song chegan a NUMAX este outono en catro pases únicos.
Entre o 14 de setembro e o 5 de outubro o Cinema NUMAX acolle o Cinefórum social de Compostela + solidaria, organizado pola coordinadora Galega de ONGD e coa colaboración de Agareso. A entrada aos filmes é de balde previa recollida de entradas a partir do venres anterior a cada sesión.
Aínda que estraño, encetamos novo curso e nova fornada de filmes adscritos ao ciclo Os Ollos Verdes. O cinema inédito de NUMAX. Como en anteriores edicións, o ciclo conta co apoio da Concellaría de Acción Cultural do Concello de Santiago e a entrada é gratuíta até que se completen as prazas da sala de cinema. Ademais, se estudas na USC podes obter 1 crédito ECTS pola asistencia ás sesións (máis información no correo [email protected]).
Enmarcado no programa de animación lectora “Afinidades Electivas. Encontros literarios en Librarías” que organiza a Dirección Xeral do Libro e Fomento da Lectura, a través da Subdirección Xeral de Promoción do Libro, a Lectura e as Letras Españolas, a libraría NUMAX acolle o próximo sábado 12 de setembro ás 12:00h un encontro literario con Antón Blanco e Anna Gas, dúas voces mozas da poesía catalá e galega. Para asistir á cita é preciso reservar praza no correo [email protected], posto que a capacidade da Libraría é limitada.
Un ano máis, o Cinema NUMAX será unha das sedes da Mostra Internacional de Cinema Etnográfico (MICE), un evento promovido polo Museo do Pobo Galego que dá a coñecer destacados filmes que se moven no campo da etnografía e a antropoloxía visual. Neste 2020, NUMAX acollerá a sesión de apertura da MICE, coa proxección de dous filmes de Sección Oficial: Dende que chegou a luz (Santiago Teijelo) e En la boca de la mina (Brandán Cerviño). Será o martes 25 de agosto ás 20:00, coa presenza dos seus autores.
Co apoio da Área de Cultura da Deputación de A Coruña e comisariado por Performa (David Barro, Mónica Maneiro e Iñaki Martínez Antelo), a Libraría NUMAX celebra o sábado 22 de agosto a segunda xornada dos Discursos en acción, un ciclo de dous días de conferencias performativas que muda o Cinema NUMAX nun espazo onde ensaiar propostas entre o divulgativo, o artístico, o escénico ou o audiovisual. Interveñen Jacobo Bugarín, Misha Bies Golas e Xisela Franco (na foto).
