O Curtocircuíto 2017 no Cinema NUMAX
Un ano máis o Cinema NUMAX ten a honra de colaborar co Curtocircuíto. Festival Internacional de Cine de Santiago de Compostela, sendo unha das principas sedes do certame do 2 ao 7 de outubro.
Un ano máis o Cinema NUMAX ten a honra de colaborar co Curtocircuíto. Festival Internacional de Cine de Santiago de Compostela, sendo unha das principas sedes do certame do 2 ao 7 de outubro.
Presentámosvos a primeira parte da programación de «Os ollos verdes. O cinema inédito de NUMAX», unha coidada selección de filmes que, maila contaren cun importante percorrido en festivais e teren acado logros artísticos significativos, non contan con estrea comercial en España. O programa comeza o 9 de outubro coa estrea de Abrir puertas y ventanas e prolongarase de maneira continuada até xuño de 2018. Ademais, se es estudante da USC poderás obter 1 crédito ECTS pola asistencia ás proxeccións.
A cuarta entrega do ciclo «A cor das palabras. Encontros con cineastas», organizado polo Concello de Santiago en colaboración co Cinema NUMAX e o Festival Curtocuíto, contará coa presenza dunha pensadora fundamental do cinema militante e de vangarda: a crítica e programadora da Cinemateca Francesa Nicole Brenez. A aula, que terá lugar o luns 2 de outubro ás 17:45, complétase cun Foco, programado e presentado pola propia Brenez, dedicado ao músico e cineasta francés Marc Hurtado, o domingo 1 de outubro ás 20:15.
Co regreso do curso escolar reactivamos con forza a proposta didáctica do Cinema NUMAX, dando continuidade ao noso compromiso coa vertente educativa do mellor cinema en versión orixinal. A continuación, achegamos as novidades principais dos dous proxectos que ofrecemos, o xa consolidado NUMAX na Escola, que engade seis novos títulos subtitulados ao galego co apoio da Secretaría Xeral de Política Lingüística, e o inicio da nosa colaboración con CinEd, unha iniciativa do Programa MEDIA da Unión Europea, impulsada polo Institut Français, coodinada en España pola asociación A Bao A Qu e en Galicia polo Centro Galego de Artes da Imaxe, que permite unha aproximación ao máis selecto patrimonio cinematográfico europeo. Comezamos!
Arrancamos o curso con forza na Libraría NUMAX cun mes de setembro cheo de actividades e presentacións. O xoves 28 de setembro ás 20:00 recibimos a visita de Patricia A. Janeiro para presentar o seu último libro: Manual básico de hostalería, editado por Positivas. No acto intervirán, amais da propia Janeiro, o editor Francisco Macías e a escritora Lorena Conde.
(Imaxe: Andrea Jamardo, Urco Editora)
O Tac, tac, tac da Libraría NUMAX vai chegando á súa fin e quen mellor para despedilo que o seu propio creador, o escritor Suso de Toro. A cita é o martes 19 de setembro ás 20:00.