Con motivo da presentación do libro Anna Turbau. Galicia, 1975-1979, editada polo Consello da Cultura Galega e que acompaña a exposición A intimidade da imaxe. Anna Turbau. Galicia 1975-1979, que se pode visitar no Colexio de Fonseca ata o 16 de xaneiro de 2018, celebramos un encontro con Anna Turbau. No acto, que terá lugar o martes 19 de decembro ás 20:30 na Libraría NUMAX, intervirán a coordinadora da publicación Natalia Poncela, a comisaria da exposición Margarita Ledo, e os responsábeis da gráfica de ambos proxectos, Antonio Doñate e X.Carlos Hidalgo, do Laboratorio NUMAX.

Ver máis

Para celebrar a saída á venda, o mércores 13 de decembro, da edición especial limitada en formatos DVD e BluRay de Mimosas, a Libraría NUMAX acolle a presentación oficial do pack, coa presenza de Oliver Laxe, o xoves 14 de decembro ás 20:00.

Ver máis

Bota a andar Vindecine. O tempo de Martín Códax a través do audiovisual, un ciclo promovido pola Consellería de Cultura e Educación da Xunta de Galicia que acompaña a exposición do Pergamiño Vindel no Museo do Mar de Galicia. O ciclo desenvolverase no Cinema NUMAX do 4 de decembro de 2017 ao 19 de febreiro de 2018 cun total de sete obras que nos trasladarán ao Medievo, o tempo do poeta Martín Códax.

Ver máis

NUMAX fai parte un ano máis da campaña #CompostelaEnNegro, con motivo do 25N, Día internacional contra a violencia de xénero. Enmarcada nesta campaña, o 23 de novembro ás 20:30 presentarase na Libraría NUMAX un traballo moi especial: o fotolibro Metauniversos cotidianos, de Loly Villoch.

Ver máis

Fotografía da Libraría NUMAX exposta en Pasa Página

A Libraría NUMAX atópase entre as nove librarías do Estado que foron seleccionadas para formar parte da exposición Pasa página. Una invitación a la lectura, da Biblioteca Nacional de España. A mostra componse dunha serie de capítulos que percorren distintos aspectos da lectura e o libro.

Ver máis

O xoves 7 de decembro ás 20:00 a Libraría NUMAX acollerá a presentación de Setras, de Berio Molina, coa presenza do autor. Setras recibiu o Premio Especial do Xurado nos Puchi Awards 2017, proxecto internacional de Fulgencio Pimentel e La Casa Encendida que busca premiar as propostas de libro máis brillantes e anovadoras. A obra pode definirse como un estudo sobre o son que emana do acto de escribir: un tratado sobre a acción sonora da caligrafía.

Ver máis