Por terceiro ano consecutivo o Cinema NUMAX participa do Festival de Rotterdam a través do IFFR Live 2018 que inclúe a proxección en sala de catro filmes do certame, presentacións en streaming e coloquios en twitter. Do 26 ao 28 de xaneiro en NUMAX.
O xoves 18 de xaneiro a partir das 20:00 a Libraría NUMAX acollerá a presentación de Vidas imaxinarias, de Marcel Schwob (1867-1905), un clásico da literatura francesa. No acto participarán César Lorenzo Gil, director de contidos de Aira Editorial, e Samuel Solleiro, responsábel da tradución.
Algunhas das persoas que facemos parte de NUMAX fixemos as nosas listas co mellor cinema que nos deixou 2017.
O cinema NUMAX foi escollido este ano que vimos de despedir como sala de referencia en España pola rede internacional Europa Cinemas. Por el pasaron máis de 30.000 persoas, que asistiron a case 1.700 sesións.
O ciclo Os Ollos Verdes. O cinema inédito de NUMAX regresa con forza no arranque de 2018 con títulos fundamentais do cinema de autor internacional que quedaron sen estrear comercialmente en España. Avanzamos a programación que temos preparada para os meses de xaneiro e febreiro.
Julio Vilches presenta o xoves 28 de decembro ás 20:00 na Libraría NUMAX a súa persoal bitácora como fareiro da illa de Sálvora, publicada na editorial Hoja de Lata, que recolle o período que vai do ano 1980 ao 2000. A presentación estará acompañada da proxección da curtametraxe El farero de Sálvora, de Gloria Vilches.
