Nova cita para «un conto, nun lugar, nun límite de tempo» que cada mes, desde febreiro, trae á libraría NUMAX a escrita en directo dun relato mecanografado nunha antiga máquina de escribir. O 1 de agosto ás 20:00 será Xavier Queipo o encargado de deixar o seu texto e falar dos seus procesos creativos.
O martes 4 de xullo a partir das 19:30 celebraremos unha nova sesión do Tac, tac, tac que a Libraría NUMAX organiza cada mes. Esta vez será o turno do escritor Pedro Feijoo, cuxa última novela, Os fillos do lume foi o título máis vendido nas listas da literatura galega das pasadas semanas, seguido de Os fillos do mar.
O xoves 29 ás 19:30 recibimos a visita da cineasta catalá Carla Simón na preestrea de Verán 1993, delicado relato sobre a infancia, de importante carga autobiográfica, que vén de acumular premios en festivais como a Berlinale, BAFICI, Cannes, Estambul ou Málaga.
O xoves 13 de xullo ás 20:00, o profesor e investigador Germán Labrador, acompañado de María do Cebreiro e Jorge Linheira, presentará na Libraría NUMAX este ensaio que analiza os intentos das contraculturas españolas por superar a democracia de baixa intensidade post-franquista a través da biotecnoloxía e o activismo nos 70.
A Libraría NUMAX acolle a presentación do ensaio Disculpen que les hable de la radio, de Javier Tolentino, comunicador e crítico cinematográfico en Radio 3, que ten desenvolvido toda a súa carreira vinculado á radio pública. O acto terá lugar o mércores 21 de xuño ás 19:30 e contará coa participación do decano da Facultade de Ciencias da Comunicación, Xosé R. Pousa.
El monstruo en la piedra chega a NUMAX tras ser premiado en festivais de prestixio internacional como FID Marseille, Mar del Plata ou D'A Film Festival Barcelona. A presentación e coloquio do filme co seu autor, Ignasi Duarte, terá lugar o sábado 17 ás 19:45 e inclúese no ciclo Conversas ficticias Galicia, organizado pola Galería Trinta, entidade colaborado do pase.
