O primeiro día de setembro, xoves 1 ás 20:30 da tarde, a Libraría NUMAX acollerá a presentación de «Mil días en la montaña. Roxe de Sebes» de Ignacio Castro Rey. No acto o autor estará acompañado de Xosé Manuel Santos Solla, xeógrafo e profesor da Universidade de Santiago de Compostela. A entrada é libre ata completar aforo.
Neste mes de agosto, coincidindo co Foco John Ford, emprendemos unha viaxe pola obra dun dos directores máis influentes e polémicos do cinema contemporáneo, o dinamarqués Lars von Trier. Neste novo Foco proxectaremos seis obras fundamentais do principal expoñente do movemento Dogma 95.
Durante o mes de agosto viaxaremos pola obra do cineasta que levou á gran pantalla os mitos fundacionais de América do Norte: John Ford. Deste gran creador de ascendencia irlandesa proxectaremos obras mestras consagradas xunto a outros títulos infravalorados ou menos coñecidos. A viaxe arranca c'O cabalo de ferro o martes 2 de agosto e chegará a destino o domingo 29 con Misión de audaces.
Comezamos a preparar á volta das vacacións abrindo o prazo para inscribirse no club de lectura NUMAX - Irmás Cartoné. O segundo bloque, que terá lugar de setembro a decembro, tratará sobre as maternidades e as relacións materno-filiais e estará conducida polas editoras Carlos Valdés e Celia Recarey. O club será de inscrición gratuíta. A actividade conta co apoio do Concello de Santiago de Compostela.
O próximo mércores 27 de xullo ás 19.30 da tarde a Libraría NUMAX acollerá a presentación de «Ninguén queda» de Brais Lamela. Esta novela é o primeiro título da nova colección Rúa do Lagarto que edita euseino?. No acto o autor estará acompañado da editora Berta Dávila e de Carlos Lema, presidente da Fundación Euseino?. A entrada é libre ata completar aforo.
A creadora escénica Avelina Pérez presentará en NUMAX o libro Ese silencio este xoves 7 de xullo ás 20:30 editado en Positivas dentro da colección DiTeatro. No acto a autora estará acompañada do seu editor Paco Macías e do director do Centro Dramático Galego, Fran Nuñez. A entrada é libre ata completar aforo.
