O mes de abril chega cargado de novidades no ciclo Os ollos verdes, con catro grandes citas que servirán para nos interrogar sobre cuestións clave da nosa historia e presente. Asistindo ás sesións podes acadar 1 crédito ECTS da USC así que non esquezas solicitar e selar a túa tarxeta do ciclo!
A Libraría NUMAX acolle o venres 1 de abril ás 19:30h da tarde a presentación de «Antese» de Arancha Nogueira, poemario editado por Galaxia e que obtivo o Premio Victoriano Taibo 2021. Nesta actividade a autora estará acompañada por Lorena Souto, poeta e crítica literaria e Alberto S. Lozano, xornalista e crítico cultural.
Un ano máis temos a honra de ser unha das sedes da Mostra Internacional de Cinema Etnográfico (MICE) do Museo do Pobo Galego, cun total de seis sesións entre o martes 29 de marzo e o sábado 2 de abril.
A Libraría NUMAX acollerá o mércores 30 de marzo ás 20:30h a presentación de «O resto é céu» de Silvia Penas e «Guantanamera (Poema nun só acto)» de Samuel Merino, ambos poemarios editados por Urutau.
O venres 25 de marzo ás 13:30 do mediodía a escritora Belén Gopegui estará na Libraría NUMAX para realizar un encontro co público e unha firma de exemplares do seu último libro Existiríamos el mar. Esta é unha actividade aberta e non precisa de inscripción previa. Foto: Marta Calvo.
Na súa xira por España, a escritora Elaine Vilar Madruga fai unha parada en Santiago de Compostela. Estará na Libraría NUMAX para presentar a súa novela «La tiranía de las moscas» editada por Barrett. No acto, que terá lugar o venres 25 de marzo ás 20:30h da tarde, a autora cubana estará acompañada pola escritora Berta Dávila.
