A tradutora boirense María D. Armental presentará na Libraría NUMAX o libro Selected Poemas / Poemas escollidos do escritor Douglas Dunn. Trátase da primeira publicación traducida ao galego do autor escocés. Na presentación, que terá lugar este xoves 9 de xuño ás 20:30 da tarde, participará tamén o docente Ramón Bouzas. A entrada é libre ata completar aforo.
O mes de xuño chega cargado de novidades no ciclo Os ollos verdes. O cinema inédito de NUMAX, con catro grandes citas que nos levarán de viaxe polo carnaval andaluz máis iconoclasta, as tradicións milenarias das Illas Canarias ou o talento emerxente en Galicia. Recorda que podes acadar 1 crédito ECTS da USC asistindo a un mínimo de 12 sesións do ciclo e realizando un traballo final.
Co gallo da estrea de Regreso a Reims, de Jean-Gabriel Périot, organizamos un encontro A cor das palabras co Concello de Santiago que reunirá o cineasta francés co profesor e investigador Pablo La Parra. Será o domingo 12 de xuño ás 11:30 baixo o título «(Re)montar a historia. Cinema, arquivo, política. Unha conversa con Jean-Gabriel Périot».
Seguimos a celebrar encontros con novos creadores do cinema galego contemporáneo. O xoves 2 de xuño ás 20:00 o xornalista e cineasta Carlos Prado Pampín ofrecerá presentación e coloquio de Devolvendo o golpe, documental sobre a historial real de superación do boxeador galego Aarón « The Thunder».
Arrinca a actividade «É un falar» coa conversa que xuntará na Libraría NUMAX á poeta Nuria Vil e ao poeta e axitador asturiano Pablo X. Suárez. Este primeiro acto titulase «Lingua aberta» e nel ambas falarán arredor da relación entre a súa poesía e a oralidade no presente. A cita será o sábado 11 de xuño ás 12:30h nunha actividade apoiada pola Deputación da Coruña.
O punto de partida da actividade “É un falar" son as relacións que existen entre a fala e a escrita. Este ciclo de conversas traerá á Libraría NUMAX, de xuño a novemebro de 2022, a catro parellas de autoras galegas e doutras partes do Estado español para pensar e dialogar sobre libros ou formas de narrar que nacen, dun xeito ou outro, da oralidade. Esta actividade conta co apoio da Deputación da Coruña e coa colaboración do Instituto da Lingua Galega (ILG).
