O próximo xoves 17 de febreiro ás 20.30h a Libraría acollerá a presentación do ensaio «Pantallas de lo maravilloso» do investigador compostelán Luis. E. Froiz Casal editado por Shangrila. O autor estará acompañado no acto polo cineasta Javi Camino, o docente e historiador José Luis Castro de Paz e o xornalista Iván Cuevas.
A Libraría NUMAX acolle a súa primeira presentación do ano este xoves 13 de xaneiro. Nesta ocasión, teremos con nós á poeta alicantina María Ovelar co seu poemario «Las Oceánicas», editado por Valparaíso Ediciones. Na presentación, que terá lugar ás 20:30h da tarde, a poeta estará acompañada pola profesora e escritora Marga do Val. Foto: Jacobo Biarnes.
Os nosos Focos continúan a recuperar, en estupendas copias restauradas, alfaias da sétima arte. No mes de xaneiro poderemos gozar de dúas maxestosas obras ambientadas na India e dirixidas polo xenial director alemán Fritz Lang: O tigre de Esnapur e A tumba india.
Despedimos o ano coa xa tradicional listaxe de filmes que máis gustaron ás traballadoras de NUMAX. Entre as máis repetidas temos filmes de estrea (First Cow, O teléfono do vento, Summer of Soul), sesións especiais que nos marcaron (Sisters with Transistors), reestreas de patrimonio (O movimento das coisas) ou filmes que nos agardan en 2022 (918 Gau).
A Libraría NUMAX acolle este venres 17 de decembro a presentación do poemario A cidade oculta de Estevo Creus, editado por URUTAU. A presentación, que será ás 20:30h da tarde consistirá nun recitado poético do autor, con música ao vivo a cargo do compositor Benxamín Otero e unha charla conducida polo poeta e editor Eduardo Estévez.
O mércores 15 de decembro a Libraría NUMAX acolle a presentación do poemario A poesía como arte insurxente de Lawrence Ferlinghetti, unha das primeiras referencias da editora Rodolfo e Priscila. No acto, que terá lugar ás 20:30h da tarde, contaremos coa presenza do traductor, Daniel Salgado e dos editores do libro, Berta Dávila e Carlos Meixide.
