A escritora Julia Rendón estará o venres 25 de novembro ás 20:30h na Libraría NUMAX para presentar a súa novela debut «Lengua ajena» editada por De Conatus. No acto, a autora estará acompañada pola editora e escritora Silvia Bardelás. A entrada é libre ata completar aforo.
Este venres 11 de novembro unímonos á celebración do Día das Librarías co 10% de desconto en todos os libros tanto en tenda como na nosa páxina web. Na xornada acolleremos dúas sinaturas, estarán con nós Ismael Ramos, Premio Nacional de Poesía Joven «Miguel Hernández», e a escritora Marilar Aleixandre, galardoada co Premio Nacional de Narrativa 2022.
Xa están activos os bonos Cultura e Activa Comercio da Xunta de Galicia e o Xacobeo 21-22 cos que poderás gozar de importantes descontos até o 31 de decembro en NUMAX. Cos bonos Corazón, que impulsa e financia o Concello de Santiago, podes obter un 40% de desconto nos teus libros.
Un ano máis, e xa van seis, estamos moi felices de ser unha das sedes do Festival Cineuropa, unha cita fundamental para a cinefilia da cidade no que participamos este ano con sesións diarias do 7 ao 17 de novembro.
O vindeiro sábado 5 de novembro temos preparada unha xornada moi especial no que a mellor música e o cinema se dan a man, con proxeccións e actividades literarias. «Blow Up. A música no cinema» fai parte das actividades paralelas do Outono Códax Festival e está organizado xunto á Reixa Tenda.
O ciclo de conversas «É un falar» chega ao seu fin. A Libraría NUMAX acollerá o próximo venres 4 de novembro ás 20:30h da tarde ás poetas Luz Pichel e Ángela Segovia. No encontro, que leva por título «Ablandar a lingua», ambas falarán sobre as formas non regradas da lingua que empregan para construír as súas voces poéticas e sobre o seu uso como forma de subversión lingüística. Esta actividade está apoiada pola Deputación da Coruña e conta coa colaboración do Instituto da Lingua Galega.
