[Foto: David Espinho]
Continúan as presentacións literarias na nosa Libraría. O vindeiro xoves 18 de marzo ás 19:30 contaremos coa presenza da escritora Lara Dopazo Ruibal que presentará o seu último libro: O axolote e outros contos de bestas e auga. A autora estará acompañada por Malores Villanueva, (Ed. Galaxia) nun acto que será retransmitido vía streaming nas redes sociais de NUMAX.
Xa temos aquí a nosa proposta primaveral no ciclo Petís NUMAX. Os meses de marzo e abril acollerán grandes obras da animación xaponesa (Ponyo no acantilado) e británica (Strike), unha nova xema de Buster Keaton (A lei da hospitalidade) e dúas divertidas curtas para as máis petís da casa (Pippi e o señor sen sono).
[FOTO: © Distrito Xermar, arquivo da AELG]
Volven as presentacións á Libraría NUMAX! A escritora compostelá Berta Dávila (1987) visitaranos o vindeiro xoves 25 de febreiro ás 19:30 presentar Illa Decepción, gañadora da XIV edición do Premio Narrativa Breve Repsol en Lingua Galega. A autora estará acompañada por Carlos Lema, director da Editorial Galaxia, nun acto que será retransmitido vía streaming nas redes sociais de NUMAX.
O foco do mes de xaneiro en NUMAX recupera a obra, vida e pensamento dun dos creadores máis imaxinativos e soñadores da historia: Federico Fellini. Co gallo da estrea de Fellini dos espíritos, con material inédito sobre o director de Rimini, recuperamos tres das súas obras mestras: Almas sen conciencia, Fellini, oito e medio (8½) e Giulietta dos espíritos.
Deixamos un ano difícil para todas nós, pero non queremos deixar de repasar aqueles fitos, actividades e encontros felices que deron sentido a este 2020 en NUMAX.
Xisela Franco pechaba o ciclo Discursos en acción o pasado 22 de agosto. Dentro desta actividade organizada pola Libraría NUMAX, comisariada por Performa e co apoio da área de Cultura da Deputación da Coruña, a cineasta de Vigo presentaba un proxecto de carácter reflexivo á vez que experiencia de cinema en directo. En «O meu é teu pero o teu non é meu», Franco exploraba "desde o meu actual estado de confusión", segundo ela mesma explicaba, conceptos da filosofía recorrentes na súa vida.
