A Libraría NUMAX acolle o próximo xoves 1 de xullo ás 19:30h un encontro literario coas poetas Oriana Méndez e Ruth Llana, dúas importantes voces da poesía galega e asturiana. Esta actividade realizase dentro do marco do programa de animación lectora Afinidades Electivas. Encontros literarios en Librarías.
Un ano máis, somos sede e entidade colaboradora do Cinefórum Social de Compostela + Solidaria, organizado pola Coordinadora Galega de ONG e financiado polo Concello de Santiago. Este ano o ciclo componse de 2 sesións de curtametraxes de temática social, ambiental e de xénero, que se celebrarán os mércores 9 e 16 de xuño.
Co gallo da celebración do 20 aniversario da mítica Mulholland Drive, ofrecemos, en colaboración coa distribuidora Avalon, unha retropectiva case completa que nos achegará en copias restauradas ao Universo David Lynch. O foco terá pases diarios en NUMAX entre os meses de xuño e agosto.
O vindeiro xoves 3 de xuño ás 19:30 presentaremos na Libraría NUMAX o ensaio Regla y tiempo real. Improvisación, interpretación y ontología de la obra musical (Athenaica, 2020) do músico e investigador Pablo Seoane. O autor estará acompañado por Xavier de Donato, profesor da Facultade de Filosofía da USC, e do poeta Estevo Creus.
Baixo o título «Imaxes que volven... ou por que restauramos filmes» terá lugar o encontro A cor das palabras con Carolina Cappa, arquivista audiovisual especializada en restauración fílmica. A actividade celebrarase o domingo 6 de xuño ás 11:30 horas, dentro do ciclo organizado polo Concello de Santiago en colaboración con NUMAX.
