Arranca o ciclo «Intemperiadas, correspondencias interartes con Xela Arias» coa visita da ilustradora Laura Tova, cuxa correspondencia coa obra da homenaxeada no Día das Letras Galegas leva por título «Weltschmertz». A cita, previa reserva, é o sábado 10 de abril ás 13:30h nunha actividade comisariada por Charo Lopes e apoiada pola Deputación da Coruña.
Para celebrar e acompañar o Día das Letras Galegas, que este ano homenaxea a escritora Xela Arias, na Libraría NUMAX presentamos «Intemperiadas, correspondencias interartes con Xela Arias», unha actividade comisariada por Charo Lopes e apoiada pola Deputación da Coruña que terá cinco citas entre os meses de abril e outubro.
A Semana Santa chega a NUMAX cargada de actividades. O luns 29 recibiremos a visita de Alicia Fernández presentar Mamá pelícano e o martes 30 tocaralle a quenda a Eduard Velasco que presentará a súa tradución ao galego de Palabras de Opoton o vello, de Avel·lí Artís-Gener.
Continúan as actividades na Libraría, desta volta coa visita de Gonzalo Hermo para presentar Diario dun enterro, gañadora do XIII Premio Narrativa Breve Repsol en 2019. O acto terá lugar o venres 26 de marzo ás 19:30 e nel o autor estará acompañado pola escritora Berta Dávila e o editor Carlos Lema (Ed. Galaxia).
Co inicio da primavera chega á nosa pantalla un dos filmes do ano no cinema galego: Nación. A película, que narra a loita das traballadoras da fábrica de louza de Pontesa, estará acompañda pola súa directora e socia de NUMAX, Margarita Ledo Andión que, o domingo 28 de marzo ás 11:30 ofrecerá o encontro A cor das palabras organizado polo Concello de Santiago en colaboración con NUMAX.
