Todos os domingos ás 11:30 da mañá as máis pequenas da casa teñen unha cita co mellor cinema para crianzas en Petís NUMAX. Unha estupenda iniciación na sétima arte que combina alfaias da animación contemporánea con grandes clásicos da comedia (Chaplin, Keaton, Tati). A actividade ten tarifa reducida para menores de 13 anos e entradas gratuítas! Pide xa a túa tarxeta Petís na nosa billeteira.
O encontro A cor das palabras organizado polo Concello de Santiago en colaboración co Cinema NUMAX contará cun convidado moi especial. O profesor, teórico e cineasta Paulino Viota debullará o cinema de John Ford a partir da análise d'A lexión invencíbel. O encontro leva por título A herdanza do cinema, historia das formas, e terá lugar o sábado 29 de febreiro ás 11:30 no Cinema NUMAX. Reservas en [email protected].
O mércores 12 de febreiro ás 20:30 a Libraría NUMAX acolle a presentación de Anarquistas galegos en América de Bieito Alonso. Acompañando ao autor estará o profesor Lourenzo Fernández Prieto, autor do limiar do libro.
Entre o 11 de febreiro e o 14 de abril achegámonos ao cinema do xenial actor e director John Cassavetes, cunha selección de cinco obras fundamentais para comprender a un dos grandes autores do cinema independente. As proxeccións terán lugar en pases únicos os martes.
O luns 27 ás 20:00 preséntase na Libraría NUMAX a publicación Exponer o exponerse. La educación en museos como producción cultural crítica (Catarata, 2019). Coa presenza de Belén Sola, responsábel do Departamento de Educación e Acción Cultural do MUSAC, e do investigador e produtor cultural Fran Quiroga.
O xoves 9 de xaneiro, ás 19:30, a escritora Berta Dávila presenta en NUMAX o súa novela Carrusel (Premio García Barros 2019) acompañada por Daniel Salgado, Estíbaliz Espinosa e Carlos Lema, da editorial Galaxia.
