O cuarto volume da serie Para unha historia do cinema en lingua galega coordinado desta volta polo docente Xosé Nogueira, «Lume na periferia», presentarase o próximo xoves 2 de xuño ás 20.30h da tarde. No encontro participarán o propio Nogueira, xunto a Margarita Ledo e Julio Vilariño.
O escritor Marcos Obregón visitará a Libraria NUMAX o próximo mércores 25 de maio ás 19:30 da tarde para presentar o seu ensaio «Contra el diagnóstico» publicado pola Editorial Rosamerón. O autor estará acompañado da psicóloga clínica con diagnóstico psiquiátrico, Alejandra Boullón, e o psicólogo clínico do Sergas, José Berdullas.
O vindeiro venres 20 de maio ás 20.30 temos unha cita coa profesora Dores Pereira e a ilustradora e editora Paula Lago para presentar «Herbas da noite». Nai e filla únense para realizar esta pequena guía ilustrada que recolle os usos populares e propiedades das herbas que se apañan na véspera do día de San Xoán e que autopublicaron grazas a unha campaña de micromecenazgo.
A escritora e editora arxentina de orixe bielorruso Natalia Litvinova visitará a Libraria NUMAX este xoves 19 de maio ás 20:30 da tarde para recitar e ter un encontro co público de Santiago de Compostela. Litvinova atopase este mes na Residencia Literaria 1863 na Coruña. A entrada é libre ata completar aforo.
O propio Día das Letras, o martes 17 de maio, por ser festivo, a libraría permanecerá pechada pero o desconto do 10% estará activo na nosa tenda web.
Se tes entre 18 e 25 anos, dominas o inglés e che gusta compartir as túas opinións sobre cinema en redes sociais esta é a túa oportunidade! Envía a túa candidatura ao 27 Times Cinema e poderás viaxar cos gastos pagados ao Festival de Venecia para ser xurado da sección Giornati degli Autori, outorgando un premio específico da sección. Tes até o 24 de maio!
