O próximo luns 15 de novembro pechamos o ciclo «Futuros. Conversas arredor de outros mundos posibles» acollendo a presentación de Hijas del futuro (Consonni) coa escritora e editora Lola Robles. No acto, que terá lugar ás 20:00h no espazo da Libraría NUMAX, Robles estará acompañada da escritora Conchi Regueiro.
O xornalista e escritor Xesús Fraga visitará a Libraría NUMAX para presentar e firmar exemplares do seu último libro Virtudes (e misterios) (Galaxia, 2020), galardoado o pasado mes de outubro co Premio Nacional de Narrativa 2021. No acto, que terá lugar o próximo mércores 10 de novembro ás 20:00h, o autor estará acompañado da escritora Marilar Aleixandre.
Do 1 de novembro ao 31 de decembro de 2021 podes mercar as túas entradas do Cinema ou os produtos da Libraría cun 50% de desconto grazas ao Bono Cultura da Xunta de Galicia e o Xacobeo 21-22.
O luns 25 de outubro ás 20:45 celebramos o Día de Lorca en Galicia coa proxección do noticieiro La Barraca de Lorca, xira por Galicia (1932). O acto contará coa participación do editor Henrique Alvarellos e o fotohistoriador Carlos Castelao. O evento está apoiado pola Concellaría de Acción Cultural representada no acto pola concelleira Mercedes Rosón.
A Libraría NUMAX acollerá a presentación do libro En mar abierto (Pepitas de Calabaza) do activista Eduardo Romero. Esta actividade, que se enmarca dentro do ciclo «Futuros. Conversas arredor de outros mundos posibles», terá lugar o xoves 21 de outubro ás 20:00h. Co autor estará Lorena Relión, traballadora social e membro de Resistencia en Terra Allea. Organiza o Foro Galego da Inmigración xunto a NUMAX.
Logo de sete intensos meses o ciclo Intemperiadas. Correspondencias interartes con Xela Arias chega á súa fin nun último encontro coas autoras e obras que encheron de luz e ideas a actividade. Será este sábado 16 de outubro de 12:00 a 14:00 horas na Libraría NUMAX. Intemperiadas é unha actividade comisariada por Charo Lopes e apoiada pola Deputación da Coruña.
